hasna elhilali

رن جرس الموبايل للمرة الخامسة وردت عليه الخطيبة: الخطيب:أعتقد أنا انسان مو ***** تطنشيني وماتردين على تيليفوناتي.
الخطيبة:رد السلام في الاول وبعدين نتفاهم.
الخطيب:شنو راح يكون عذرك يعني بتقولين كنت نايمة ولا فاعدة مع أمي وخواتي.
الخطيبة:الله يسامحك تتهمني قبل ما تسمع مني.
الخطيب:بصراحة الأمر واضح بدون ماتوضحين..ليش ماتردين طوال الوقت على تيليفوناتي اكيد كنت مشغولة مع غير ما كنت فاضية لي؟
الخطيبة:بصراحه فعلا كنت مشغولة مع غيرك.
الخطيب:منو هذا اللي ماخذ عقلك وكل تفكيرك لدرجة ما خلاك تردين على تيليفوناتي؟ الخطيبة:بصراحه لما أكون معاه أنسى الدنيا وما فيها فلازم ياعزيزي تعذرني.
الخطيب:وبكل وقاحة تقولين هذا الكلام جدامي وحنا بعدنا مخطوبيين فلو تزوجنا شنو كنت راح تسوين؟
الخطيبة:الله يسامحك ما في داعي للغلط مادمت انا ماغلطت عليك.
الخطيب:كل هذا وما غلطت..تطنشين تيليفوناتي وماتردين علي 4اتصالات طول اليوم والما رديت الحين تقولين لما أكون معاه أنسى الدنيا وما فيها كل هذا وما غلطت؟
الخطيبة:هذا ماحصل فعلا كنت مشغولة معاه وما قدرت ارد على تيليفوناتك.
الخطيب:الظاهر ما راح نقدر نكممل هذي العلاقة فأخليك مع اللي كنت مشغولة
معاه واللي فضلتيه علي.
الخطيبة:جزاك الله خير هذا أحسن شي سويته.
الخطيب باستغراب:ليش انتي فرحانة لفصخ الخطوبة ومنو هذا اللي ضحيتي فيني علشانه؟
الخطيبة:أنا فرحانة لان اتصالاتك الأربعه اليوم كشفت لي شيء خطير يبعدني عنك ويخليني أصمم على فصخ الخطوبة.
الخطيب باستغراب:ممكن تفهميني أكثر.
الخطيبة:انت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك
الخامس اللي تكلمني فيه
الخطيب:شيء عجيب انك تتذكرين حتى ساعة الاتصال بكل دقة.
الخطيبة:أتذكرها لأنها الأوقات اللي أكون فيها مشغولة مع أحب واللي أنسى كل
شيء من أجله والبذات لما أكون معاه في هذي الأوقات..وأنا الأن فرحانة
لأني اكتشفت انك مشغول عن من هوأحق بانشغالك به،تحب تعرف أنا مع
من كنت؟
الخطيب:منو معاه؟
الخطيبة: كنت مع الله،لأنك كنت تتصل فيني في اوقات الصلاة الوقت اللي
أكون فيها منقطعة عن الدنيا وما فيها،وأنا ماأقدار أرتبط في انسان
لاتربطه صلة بالله.

كلثوم